Emer O'Flaherty

Tá Emer ag obair in earnáil na Gaeilge ó 2003 ar aghaidh.  Bhí sí mar Oifigeach Gaeilge le Comhairle Contae an Chláir, chaith sí bliain le Fondúireacht Ollscoile na hÉireann agus Cheanada ag múineadh na Gaeilge in Ollscoil Tomás, New Brunswick. Roimh bheith ar fhoireann Iarnród Éireann | Irish Rail, bhí sí mar bhainisteoir ginearálta ar An Taibhdhearc, Amharclann Náisiúnta na Gaeilge i nGaillimh.  Ina ról mar Oifigeach Gaeilge le hIarnród Éireann, tá Emer freagrach as maoirseacht a dhéanamh ar chomhlíonadh dualgais teanga na heagraíochta chun a chinntiú go gcuirfear seirbhísí ar ardchaighdeán trí Ghaeilge ar fáil do na custaiméirí.  Tá B. Corp Law, LLB, MA, Dioplóma Iarchéime sa Ghaeilge agus Ard Dioplóma sa Drámaíocht bainte amach aici.