COFG
Gréasán tacaíochta agus urlabhra d’Oifigigh Forbartha Gaeilge san Earnáil Phoiblí & Stáit ar oileán na hÉireann, is ea Cumann na nOifigeach Forbartha Gaeilge (COFG).
Mar chuid dár ndualgais, tacaímid lenár n-eagraíochtaí féin san earnáil phoiblí chun Seirbhísí Custaiméara a sholáthar trí Ghaeilge de réir ár Scéimeanna Gaeilge agus de réir Forálacha, Rialacháin agus Acht na dTeangacha Oifigiúla 2003.
Tacaíonn an gréasán lena chéile tríd eolas a roinnt, taithí a mhalartú, agus cur chuige comónta a phlé agus a aontú ar mhaithe le dea-chleachtas, éifeachtacht agus luachairgid.
Deintear seo go príomhdha ag comhdháil bhliantúil, ag seimineár ag an Oireachtas, ag comhoibriú le hOifig an Choimisinéara Teanga, eolas a chur ar shuíomh idirlín an chumainn a agus ráitis agus moltaí a eisiúint de réir mar is cuí.
Plécháipéis COFG – Meán Fómhair 2017
![Plechaipeis](https://cofg.ie/wp-content/uploads/2021/02/Plechaipeis-210x300.png)
Cuireadh Cumann na nOifigeach Forbartha Gaeilge ar bun le go mbeadh comhoibriú, cumarsáid, agus malartú eolais idir na hOifigigh Forbartha Gaeilge sa tseirbhís phoiblí ar mhaithe le feabhas a chur ar na seirbhísí atá ar fáil i nGaeilge don phobal.
Tá sé mar phríomhchuspóir ag Stát na hÉireann úsáid a bhaint as an nGaeilge, agus í a chothabháil. Is é príomhaidhm Acht na dTeangacha Oifigúla, 2003 ná an Ghaeilge a chur i lár an aonaigh mar ghnáth-theanga chumarsáide ó lá go lá leis an Stát.
Ní gá go mbeadh sé chomh deacair is atá Seirbhísí Custaiméara trí Ghaeilge ar ardchaighdeán a chur ar fáil do dhaoine agus do phobail Gaeilge na tíre.
Léiríonn an phlécháipéis seo, a d’ullmhaigh Cumann na nOifigeach Forbartha Gaeilge, slí níos éifeachtaí chun an sprioc seo a bhaint amach, mar aon le luach airgid níos fearr a thabhairt don cháiníocóir. Má tá an toil ann … Is féidir linn!
Is féidir an plécháipéis a íoslódáil ag an nasc thíos.